İmkanlar
Bir bərbərxananı da, üç filiallı klinikanı da idarə edir
Aşağıdakıların hamısı bu gün işləyən hissələrdir. Hazır olmayanları isə səhifənin sonunda ayrıca yazmışıq — sonradan «bu yoxdur» deməyəsiniz.
İdarə et
Vaxtınızı, komandanızı və resurslarınızı bir yerdən idarə edin.
TəqvimGün və həftə görünüşü, hər usta öz sütununda. Bloku sürükləyib vaxtı dəyişirsiniz, yeni randevunu birbaşa paneldən yazırsınız, vaxtı bağlamaq üçün «Vaxtı bağla» kifayətdir.
Canlı lövhəDivara asılan ekran üçün: növbə biletləri və bugünkü randevular yan-yana, real vaxtda yenilənir. Bütün növbələr bir bağlantıdan gəlir, ona görə ekran gün boyu açıq qala bilər.
Operator ekranı«Növbəti» → çağır → başla → bitir / gəlmədi. Bileti eyni filialın başqa növbəsinə köçürmək olar. Hər operator yalnız öz bacarığındakı xidmətləri görür.
İş qrafiki və istisnalarHəftəlik qrafik, istirahət günü, məzuniyyət və qrafikdən kənar əlavə iş saatı. Randevu yalnız qrafik olan vaxta yazılır.
ResurslarKabinet, kreslo, lift, aparat — xidmət resurs tələb edirsə, usta boş olsa da resurs doluysa həmin saat satılmır. Bir resursun bir neçə vahidi ola bilər.
Xidmət qaydalarıMüddət, buferlər, ən az neçə saat əvvəldən bron, neçə gün irəli açıq olsun, ləğv pəncərəsi, variantlar və ustaya görə fərqli qiymət/müddət.
Rejim və qiymətHər xidmət üçün randevu, canlı növbə, yaxud hər ikisi. Hər rejimin öz qiyməti ola bilər — canlı növbə daha ucuz olsun deyirsinizsə, olur.
Rollar və icazələrSahibkar, menecer, operator və qəbul. Menecer yalnız öz filialını görür, operator xidmət və işçi ayarlarına ümumiyyətlə çıxa bilmir — bu, serverdə yoxlanılır.
İkiqat bron mümkün deyilBu, ekranda gizlədilən düymə deyil: eyni ustanın üst-üstə düşən iki bloku bazanın özü tərəfindən rədd edilir. Eyni anda gələn onlarla sorğudan yalnız biri keçir.
Böyü
Yeni müştəri gətirin, gələni saxlayın.
Vaxta görə axtarış (marketplace)Müştəri tarix və dəqiq saat yazır; nəticədə yalnız həmin saatda xidmətin tam müddətini yerləşdirə bilən ustalar görünür. Pulsuz planda da iştirak edirsiniz.
Bron linki və QRBiznes, filial və hər usta üçün ayrı link və çap edilə bilən QR. Bu səhifədə platformanın menyusu yoxdur — müştəri yalnız sizi görür.
RəylərRəyi yalnız xidməti REAL almış müştəri yaza bilər və yalnız 30 gün ərzində. Rəyə paneldən cavab yazırsınız; reytinq hər dəfə mənbədən hesablanır.
Müştəri kartotekasıHər brondan kart avtomatik açılır: gəliş sayı, son gəliş, cəmi xərc, gəlməmə sayı, qeyd və etiketlər. Mövcud siyahınızı fayldan idxal edə bilərsiniz.
Boşalsa xəbər verMüştəri dolu saat üçün gözləmə siyahısına yazılır və sizə hazır tələb kimi görünür. Yer boşalanda avtomatik təklif göndərmə hissəsi hələ hazırlanır.
Erkən gəlmə təklifiXidmət tez bitəndə növbəti müştəriyə erkən vaxt təklif olunur. Randevu yalnız müştəri qəbul edəndə köçür.
Etibar reytinqiDepozit yerinə davranış: son 90 gündə iki gəlməmə → yeni bron sizin təsdiqinizə düşür, üç gəlməmə → yalnız sizin biznesdə blok. Bloku siz götürürsünüz.
Bildiriş mühərrikiTəsdiq, xatırlatma (24 saat və 2 saat qalmış), ləğv, vaxt dəyişimi və rəy dəvəti planlaşdırılır. Hazırda tətbiqdaxili gedir — SMS/WhatsApp provayderi qoşulmayıb.
Pul qazan
Günün pulu düz sayılsın, ustanın payı mübahisəsiz olsun.
Kassa və gün sonuNağd, kart, köçürmə və paket sətirləri; gün sonunda gözlənilən və sayılan məbləğ tutuşdurulur. Ödəniş yazmaq MƏCBURİ deyil — yazmasanız da randevu bitir.
Paketlər«5 saç kəsimi — 200 ₼, 90 gün» kimi paketlər satılır, seanslar xidmət zamanı sərf olunur. «Bitir» düyməsinə iki dəfə basmaq son seansı iki dəfə yeyə bilmir.
Komissiya və kreslo kirayəsiFaiz, sabit məbləğ və ya kreslo kirayəsi modeli. Hər xidmət ÖZ vaxtındakı qayda ilə hesablanır — faiz dəyişsə keçən ayın hesabatı dəyişmir.
AnalitikaDövriyyə, randevu sayı, gəlməmə faizi, usta üzrə doluluq, top xidmətlər və müştərinin haradan gəldiyi (marketplace, bron linki, panel).
AbunəCari planınız, usta sayına görə aylıq məbləğ və fakturalar panelin içindədir. Ödəniş hələlik əl ilədir — kart məlumatı istəmirik.
Hazırlanır — gizlətmirik
Bunlar hələ yoxdur. Sizə söz verib sonra «gələn ay» deməkdənsə, indidən yazırıq.
HazırlanırSMS və WhatsApp göndərişiŞablonlar, razılıq, kanal prioriteti və kvota hazırdır; qalan yalnız provayderin qoşulmasıdır. İndi xatırlatmalar tətbiqdaxili gedir.
HazırlanırGözləmə siyahısına avtomatik təklifMüştəri dolu saat üçün «boşalsa xəbər ver» siyahısına yazıla bilir. Yer boşalanda avtomatik təklif göndərmək hissəsi hələ hazırlanır.
HazırlanırTəkrarlanan randevu ekranı«Hər iki həftədən bir şənbə 11:00» mühərriki işləyir (toqquşan tarix ikiqat bron edilmir, atlanır və səbəbi göstərilir), amma paneldə hələ ayrıca ekranı yoxdur.
HazırlanırOnlayn ödənişAbunə fakturası və xidmət ödənişi hələlik nağd/əl ilədir; şlüz qoşulmayıb.
Hamısını öz biznesinizdə yoxlayın
Pulsuz plan kart tələb etmir — qeydiyyatdan sonra panel dərhal açılır.
Bank kartı tələb olunmur. Qeydiyyatdan sonra bron linkiniz dərhal hazırdır.